(නිමල කොඩිතුවක්කු)
ඇවිදින පුස්තකාල කියා බලය ගත්ත මාලිමාවට ජාතික කෘෂිකාර්මික ප්රතිපත්තිය ක්රියාත්මක කර ගැනීමටවත් හැකියාවක් නොමැති බව සමගි ජනබලවේගයේ නායක සහ විපක්ෂ නායක සජිත් ප්රේමදාස මහතා පැවසීය.
මෙරට ගොවි ජනතාවගෙන් සාතිශය බහුතරයක්, දශලක්ෂ සංඛ්යාත ගොවි ජනතාව විශ්වාසය තැබුවේ අනුර කුමාර දිසානායක සහ ජනතා විමුක්ති පෙරමුණ කෙරෙහි වුවත් වත්මන් රජයම තමන්ව පත් කළ ගොවි ජනතාව කසිප්පුකාරයන් ලෙස හංවඩු ගසමින් යන බවත් විපක්ෂ නායකවරයා සඳහන් කළේය.
විපක්ෂ නායක සජිත් ප්රේමදාස මහතා මේ බව කියා සිටියේ හම්බන්තොට, වීරවිල දී ගොවි ජනතාවගේ ගැටලු සොයා බැලීම සඳහා පැවැති ජන හමුවක් අමතමිනි.
නිර්ප්රභූ දේශපාලනය කරනවා කියූ මාලිමාව ප්රභූ දේශපාලනයට මාරු වී ගොවියා අමතක කර ඇති බවත් දැන්වත් ගොවි ජනතාව වෙනුවෙන් සිදු කළ පොරොන්දු ඉටු කළ යුතු බවත් ප්රේමදාස මහතා තවදුරටත් සඳහන් කළේය.
