(විමුක්ති එස් රුද්රිගු)
අන්තර්ජාලය ඔස්සේ භාණ්ඩ අලෙවි කරන රුසියාවේ විශාලතම සමාගම වන වයිල්ඩ්බෙරීස්හි ගබඩා දෙකකට යුක්රේනය එල්ල කළ ඩ්රෝන ප්රහාරයකින් 8ක් මියගොස් 62ක් තුවාල ලබා ඇතැයි රුසියානු බලධාරීහු ප්රකාශ කළහ.
මොස්කව් නුවරට කිලෝමීටර් 475 ක් පමණ ගිනිකොන දෙසින් පිහිටි ටැම්බොව් නගරයේ වයිල්ඩ්බෙරීස් ගබඩාවට එල්ල වූ ප්රහාරයෙන් පුද්ගලයින් 7ක් මියගොස් තවත් 25ක් තුවාල ලබා ඇත. මොස්කව් කලාපයේ එලෙක්ට්රොස්ටාල්හි පිහිටි අනෙක් 'වයිල්ඩ්බෙරීස්' ගබඩාවට එල්ල වූ ප්රහාරයෙන් 1ක් මියගොස් 37ක් තුවාල ලබා ඇතැයි රුසියානු බලධාරීහු සඳහන් කළහ.
යුක්රේන ජනාධිපති ව්ලොදිමියර් සෙලෙන්ස්කි ඩ්රෝන ප්රහාරය පිළිබඳව අදහස් දක්වමින් ප්රකාශ කර සිටියේ රුසියාවේ ඩ්රෝන නිෂ්පාදන සහ නාවික උපකරණ සඳහා අනුමත කොටස් සැපයීමට භාවිතා කරන ලද ප්රධාන සැපයුම් පහසුකම් මධ්යස්ථාන වෙත සිය හමුදාව ප්රහාර එල්ල කළ බවයි. යුක්රේනය එල්ල කළ ඩ්රෝන ප්රහාරයෙන් එම සැපැයුම් මධ්යස්ථානවල ගින්නක් හටගෙන තිබිණි.
