(සුජිත් හේවාජුලිගේ සහ අංජුල මහික වීරරත්න)
ඕස්ට්රේලියාවට ගෙවීමට සූදානම් වූ මහ භාණ්ඩාගාරයේ ඇමෙරිකානු ඩොලර් ලක්ෂ 25ක ණය මුදලක් වංචනිකයන් පිරිසක් අතට පත්වීමේ සිද්ධියවූ කාලයේදී රාජ්ය ණය කළමනාකරණ කාර්යාලයේ නිලධාරින් ශ්රී ලංකා මහා බැංකුවේ සේවාස්ථ පුහුණුවක නිරතව සිට ඇති බව මුදල් සහ ක්රම සම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පාර්ලිමේන්තුවේදී අද පැවසීය.
ඔහු මෙසේ පැවසුවේ විපක්ෂ නායක සජිත් ප්රේමදාස මහතා මතු කළ ප්රශ්නයකට පිළිතුරු දෙමිනි.
විදේශ සම්පත් දෙපාර්තමේන්තුවේ “ඊමේල් සර්වරය” තුළ සිදුවූ සයිබර් අපරාධයක ප්රතිඵලයක් වශයෙන් මෙම සිද්ධියවී ඇති බවත් පැවති පාලන ක්රියාදාමයේ හිස්තැන් පැවති බව හඳුනාගෙන ගැනුණු බවත් ඔහු ප්රකාශ කළේය.
එම හිස්තැන් රාජ්ය ණය කළමනාකරන කාර්යාලය පිහිටුවීම නිසා ඇති වූවක් නොව දශක ගණනාවක සිට ඇතිවූ ප්රශ්න බවද හෙතෙම කීය.
එබැවින් මෙම ක්රියාවලිය සුමට කිරීම සහ ශක්තිමත් කිරීම සඳහා අවශ්ය ක්රියාමාර්ග ගනිමින් පවතින බව පැවසූ නියෝජ්ය අමාත්යවරයා අදාළ පරීක්ෂණ දිගටම සිදුවන බවද සඳහන් කළේය
පරීක්ෂණවල ප්රතිඵල ඉදිරියේදී මැතිසබයට දැනුම් දෙන බවද ඔහු කීවේය
පරීක්ෂණ අවසන් වන තුරු නිලධාරීන් සිවු දෙනකුගේ සේවය අවසන් කර ඇතැයි පැවසූ නියෝජ්ය අමාත්යවරයා අපරාධ පරීක්ෂණ දෙපාර්තමේන්තුව ශ්රී ලංකා මහ බැංකුව කිසියම් හෝ අනතුරු ඇඟවීමක් කර නොතිබූ බවද ප්රකාශ කළේය.
ශ්රී ලංකා පරිගණක හදිසි ප්රතිචාර සංසදය ඊමේල් සේවරයේ අනාරක්ෂිතභාවය ගැන දැනුවත් කිරීමක් කර කර තිබූ බවද අනිල් ජයන්ත මහතා පැවසීය.
සියලු ගෙවීම් වලට අදාල ලේඛන භෞතිකව ලබාගෙන ඒවා නිවැරදි භාවය තහවුරු කර ගැනීමෙන් පසු ගෙවීම් සිදුකිරීමට කටයුතු සූදානම් කර ඇතැයි ඔහු සඳහන් කළේය.
මුදල් අමාත්යාංශය හා ශ්රී ලංකා මහ බැංකුව අත්සන් කරන ලද අවබෝධතා ගිවිසුම අනුව රාජ්ය ණය කළමනාකරණ කාර්යාලය රජයේ ණය සුරැකුම්පත් නිකුත් කිරීම සහ රාජ්ය නය සේවාකරණයට අදාළ වගකීම් බාරගෙන ඇත්තේ 2025 දෙසැම්බර් 1 වැනිදා සිට බවත් ඒ අනුව සිද්ධිය රාජ්ය ණය කළමනාකරණ කාර්යාලයේ සංක්රාන්තිය නිසා ඇතිවූවක් යන්න නිවැරදි නොවන බවත් ඔහු සඳහන් කළේය
