(නිමල කොඩිතුවක්කු)
ඩෙංගු අවදානම් මට්ටම අගෝස්තු මැද දක්වා වූ කාලය තුළ තවදුරටත් පවතින බැවින් සියලු අංශ ඒ පිළිබඳ අවධානය යොමුකරමින් කටයුතු කළ යුතු බව කැබිනට් මාධ්ය ප්රකාශක, සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පැවසීය.
ඩෙංගු මැඩපැවැත්වීමට සියලුම රාජ්ය ආයතන වෙත අඛණ්ඩව මෙහෙයුම් පවත්වාගෙන යාම සඳහා තවදුරටත් ඉදිරි සති තුනක කාලය සඳහා උපදෙස් ලබා දී ඇති බවත් අමාත්යවරයා සඳහන් කළේය.
රජයේ ප්රවෘත්ති දෙපාර්තමේන්තුවේ අද(21)පැවති කැබිනට් තීරණ දැනුම් දීමේ මාධ්ය හමුවේදී මාධ්යවේදීන් කළ විමසීමකදී අමාත්යවරයා මේ බව සඳහන් කළේය.
