(ක්රිෂාන් ජීවක ජයරුක්)
මාතර වැල්ලමඩම ප්රදේශයේ දී ඩිෆෙන්ඩර් රථයක් හා මෝටර් රථයක් සිමෙන්ති ප්රවාහනය කරමින් තිබු ලොරියක හැපී අනතුරට ලක්වීමෙන් පුද්ගලයන් දෙදෙනෙකු ජීවිතක්ෂයට පත්ව තවත් 05 දෙනකු තුවාල ලබා ඇතැයි මාතර පොලීසිය පවසයි.
අනතුරින් මරුමුවට පත්ව ඇත්තේ ඩිෆෙන්ඩර් රථයේ රියදුරු ලෙස කටයුතු කළ බවට සැක කෙරෙන මාතර වැවහමන්දුව පදිංචිව සිටි දිනේෂ් උදයංග (37) සහ මාතර හිත්තැටියේ එස්.එම්.වී.සුභාෂ් (36)නැමැති දෙදෙනෙකි.
ඔවුන්සමග ඩිෆෙන්ඩර් රථයේ ගමන් කළ තවත් හතර දෙනෙකු සිමෙන්ති පැටවු රථයේ රියදුරු හා සහායක තුවාල ලබා මාතර මහ රෝහල වෙත ඇතුළත් කර තිබෙන අතර ඔවුන්ගෙන් දෙදෙනකුගේ තත්වය බරපතල බව රෝහල් ප්රකාශකයෙක් පැවසීය.
එම රථය හා මෝටර් රථය මාතර දෙස සිට තංගල්ල දෙසට ධාවනය කර ඇති අතර සිමෙන්ති පැටවු ලොරි රථය තංගල්ල දෙසට සිට මාතර දෙසට ධාවනය කර ඇති බව පොලීසිය සදහන් කරයි.
