ශ්රී ලංකා ඉතිහාසයේ මුහුණ දුන් බරපතළම විනාශයට හා ආර්ථික ව්යසනයට කිසිදු විදේශීය රටකින් හෝ පාර්ශවයකින් ණය ලබා නොගෙන නොබියව මුහුණ දීමට වත්මන් රජය සමත් වූ බව පාර්ලිමේන්තු මන්ත්රී ශාන්ත පද්මකුමාර මහතා පවසනවා. රට මුහුණ දුන් අසීරු අවස්ථාවේදී අසල්වැසි ඉන්දියාවේ යාචකයින් පවා මෙරටට ආධාර උපකාර කළ බව සඳහන් කළා. තමා ඇතුළු කණ්ඩායම රජය භාරගන්නා අවස්ථාව වන විට භාණ්ඩාගාරය තුළ රුපියල් කෝටි 80,000ක ණය බරක් පැවති නමුත් අප රජය බලයට පත්වී වසරකුත් වැනි කෙටි කාලසීමාවක් ගතවන විට, භාණ්ඩාගාරය නැවත පිරී ඉතිරී යන තත්ත්වයට පත් කිරීමට සමත් වුණා. එහිදී වැඩිදුරටත් අදාහස් දක්වමින් මන්ත්රීවරයා කියා සිටියා, “අපේ රටේ ඉතිහසයේ වෙච්ච බරපතලම විනාසයටත් ව්යසනයටත් අපි ඉතාම නොබියව මුහුණ දුන්නා. ඒක කිසිදු ලෝකෙ කිසිදු රටකින් ණය ගත්තේ නෑ. කිසිදු යාචකයෙක්ගෙන් මුදල් ගත්තෙ නෑ. යාචකයෙක් කතාව කියන්න මං හේතුවක් සහිතව. ඔබ දන්නවා අපේ රටට අසල්වැසි ඉන්දියාව ඉන්දියාවේ යාචකයෝ පවා අපිට උදව් උපකාර කරා. අපි ඒක අගෞරවයක් නෙමේ අපි ඒගොල්ලන්ට ගෞරව කරනවා. යාචකයෝ පවා අපිට උදව් උපකාර කරපු රටක්. අසල්වැසි ඉන්දියාව.හැබැයි අපි එම කිසිදු ණයක් ගන්නැතුව අපි ඒකට මුහුණ දුන්නා. අපි ආණ්ඩුව ගන්නකොට කෝටි 80,000ක ණයක් තිබුණේ භාණ්ඩාගාරයේ. හැබැයි අපි ආණ්ඩුව අරගෙන අවුරුද්දයි මාස 12ක් යනකොට අපි සමත් වුණා අනුර ජනාධිපතිතුමා ඇතුළු අපේ ආණ්ඩුව සමත් වුණා භාණ්ඩාගාරය පිරී ඉතිරී යන තත්ත්වයට පත් කරන්න. අපි නෙමෙයි කියන්නේ විපක්ෂයේ මන්ත්රීවරු.”
