ලෝක මලල ක්රීඩා සංගමය අද (17) ප්රකාශයට පත් කළ නවතම හෙල්ල විසිකිරීමේ ලෝක ශ්රේණිගත කිරීම්වල 02 වැනි ස්ථානය දිනා ගැනීමට ශ්රී ලංකාවේ සුපිරි ක්රීඩක රුමේෂ් තරංග සමත්ව තිබෙනවා. මීට පෙර ඔහු පසුවූයේ මෙම ලැයිස්තුවේ 03 වැනි ස්ථානයේ. චෙක් ජනරජයේ ඊයේ (16) පැවැති සුප්රසිද්ධ ‘ඔස්ට්රාවා ගෝල්ඩන් ස්පයික්’මලල ක්රීඩා ශූරතාවලියේදී ප්රථම ස්ථානය දිනා ගැනීමට ඔහු සමත් වුණා. ලැබූ ජයග්රහණයත් සමඟ ඇන්ඩර්සන් පීටර්ස් අභිබවා යමින් දෙවැනි ස්ථානය තමන් සතු කරගැනීමට රුමේෂ්ට හැකිව තිබෙනවා. පෙර ශ්රේණිගත කිරීම්වලදී රුමේෂ් තරංග පසුවූයේ එවකට දෙවැනි ස්ථානයේ සිටි ග්රෙනඩා රාජ්යයේ ඇන්ඩර්සන් පීටර්ස්ට (ලකුණු 1,326) වඩා ලකුණු 2ක ඉතා සුළු පරතරයකයි.
