අද(18) අමෙරිකානු ඩොලරයක ගැනුම් මිල රුපියල් 329.18ක් ලෙස සටහන් වී තිබෙනවා. ඒ අනුව එහි විකුණුම් මිල සටහන් වී ඇත්තේ රුපියල් 339.06ක් ලෙසයි. අද දිනයේදී මෙරට බලපත්රලාභී වානිජ බැංකු වල දෛනික විනිමය අනුපාතිකයන් අනුව එක්සත් ජනපද ඩොලරයක විකුණුම් මිලෙහි සුළු පහළ යාමක් යාමක් දක්නට ලැබෙන අතර මේ වනවිට විවිධ බැංකු අනුව ඩොලරයක විකුණුම් මිල රුපියල් 338 සිට රුපියල් 339 දක්වා මිල පරාසයක පවතින බව සඳහන්. මැදපෙරදිග කලාපයේ ඇති වූ ගැටුම්කාරී තත්ත්වයත් හේතුවෙන් බාහිර අංශය කෙරෙහි එල්ල වූ බලපෑම් මෙලෙස රුපියල අවප්රමාණය වීමට හේතු වී ඇති බවයි මහ බැංකුව පෙන්වා දෙන්නේ. ඒ අනුව පසුගියදා අමෙරිකානු ඩොලරයේ විකුණුම් මිල ශ්රී ලංකා රුපියල් 354 ඉක්මවා ගොස් තිබුණා.
