(අංජුල මහික වීරරත්න)
ඩෙංගු රෝගියෙක් ඉන්නවා ඇවිල්ලා දුම් ගහන්න කියූ විට එක රෝගියෙක් හිටියට මදි අඩුම තරමේ රෝගීන් දහයක්වත් ඉන්න ඕනේ යැයි කොළඹ දිස්ත්රික්කයේ ප්රාදේශීය සභාවකින් දැනුම් දී ඇතැයි පොදු ජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා පැවසීය.
නාමල් රාජපක්ෂ මහතා මේ බව කීවේ නෙළුම් මාවත පක්ෂ කාර්යාලයේදී මාධ්යවේදීන් අමතමිනි.
"මෙහෙම කියන්නෙ කොළඹ අවට එක්තරා ප්රාදේශීය සභාවක්. ඉතින් ඒ තැනට මොවුන්ගේ මානසිකත්වය පත්වෙලා තියෙන්නේ.ප්රාදේශීය සභාවේ නැත්නම් ආයතනයක වගකීම රෝගීන් වැඩි වෙන තුරු ඉඳලා දුම් ගහන එකද? නැත්නම් රෝගය හඳුනා ගත්ත අවස්ථාවේම ඒ ප්රදේශයේ දරුවෝ ටික ආරක්ෂා කර ගන්න එකද? මම හිතන්නේ ආණ්ඩුව මේ පිළිබඳව මීට වඩා මේ ගැන අවධානය යොමු කළ යුතුයි යනුවෙන්ද නාමල් රාජපක්ෂ මහතා කීය.
