(චමිලා අල්විස්)
දේශීය හා බටහිර වෛද්යවරියක ලෙස පෙනී සිටිමින් විදෙස් රටවලින් ඖෂධ ගෙන්වා ඇති බව පවසා, එම ඖෂධ කොළඹ වරායෙන් මුදාගැනීම සඳහා මුදල් අවශ්ය බව කියමින් රුපියල් කෝටි හයකට ආසන්න මුදලක් වංචා කළ බව කියන කාන්තාවක් අත්අඩංගුවට ගත් බව හොරණ විශේෂ අපරාධ විමර්ශන ඒකකය පවසයි.
මෙසේ අත්අඩංගුවට ගෙන ඇත්තේ ගිරිබාව ප්රදේශයේ පදිංචිව සිට පසුව හොරණ නිවාස සංකීර්ණයක පදිංචිව සිටි බව කියන 53 හැවිරිදි අවිවාහක කාන්තාවක බව පොලිසිය කියයි.
මෙම කාන්තාව දේශීය හා බටහිර වෛද්යවරියක ලෙස පෙනී සිටිමින් ජනතාවට ඖෂධ ලබාදී ඇති බවත් එම ඖෂධ මෙරට භාවිතය සඳහා අනුමත නොකළ ප්රමිතියකින් තොර ඖෂධ බවට විමර්ශනවලදී අනාවරණය වී ඇති බවත් පොලිසිය සඳහන් කරයි.
තවද ඇය වෛද්යවරියක ලෙස පෙනී සිටිමින් විවිධ ප්රදේශවල පුද්ගලයන්ගෙන් මුදල් ලබාගෙන සායන පවත්වා ඇති බවද පොලිස් පරීක්ෂණවලදී හෙළි වී ඇත.
