බදුල්ල – වෙන් කලාඩි මාර්ගය වැඩි දියුණු කිරීමේ ව්යාපෘතිය සඳහා ජාත්යන්තර සංවර්ධනය සඳහා වන ඔපෙක් අරමුදල (OFID) සහ සෞදි සංවර්ධන අරමුදල (SFD) ඒකාබද්ධව අරමුදල් සපයනු ලබනවා. සෞදි සංවර්ධන අරමුදලේ ණය මුදල් මඟින් ක්රියාත්මක අම්පාර – උහන – මහඔය මාර්ගය වැඩිදියුණු කිරීමේ ව්යාපෘතිය යටතේ දළ වශයෙන් ඇමෙරිකානු ඩොලර් මිලියන 2.4ක ණය ඉතිරියක් අපේක්ෂා කරනු ලබයි. එලෙස එම ඉතිරි ණය මුදල භාවිත කරමින්, වසර 15 කට වැඩි කාලයක් භාවිත කරනු ලැබ ඇති සහ දිට්වා සුළි කුණාටුවෙන් දැඩි ලෙස හානි වූ කිලෝමීටර 1.5ක පමණ මාර්ග කොටසක් (කිලෝමීටර 119+620 සිට කිලෝමීටර 121+200 දක්වා) ප්රතිසංස්කරණය කිරීම ද ඇතුළුව, පේරාදෙණිය – බදුල්ල – චෙන්කලාඩි මාර්ගයේ (A05) බදුල්ල – හාලි ඇළ මාර්ගයේ කිලෝමීටර 06 ක කොටසක් (කිලෝමීටර 115 සිට කිලෝමීටර 121 දක්වා) රුපියල් මිලියන 600ක ඇස්තමේන්තු පිරිවැයක් යටතේ පුනරුත්ථාපනය සහ වැඩි දියුණු කිරීම පිණිස ප්රවාහන, මහා මාර්ග සහ නාගරික සංවර්ධන අමාත්යතුමා ඉදිරිපත් කළ යෝජනාවට අමාත්ය මණ්ඩල අනුමැතිය හිමිව තිබෙනවා.
