ඉදිරියේදී පැවැත්වීමට නියමිත අධ්යයන පොදු සහතික පත්ර උසස් පෙළ විභාගය කල් දමන ලෙස නියෝගයක් ඉල්ලා ගොනු කළ පෙත්සම විභාගයට ගැනීමට අවසර ලබාදෙන්නේද නැද්ද යන්න පිළිබඳ තීරණය ලබන 23 වැනිදා ප්රකාශයට පත් කරන බව අභියාචනාධිකරණය අද (16) දැනුම් දුන්නා. උසස් පෙළ විභාගයට පෙනී සිටීමට නියමිත සිසු සිසුවියන් පිරිසක් විසින් මෙම පෙත්සම ගොනු කර තිබූ අතර, එය අද අභියාචනාධිකරණය හමුවේ කැඳවනු ලැබුවා. පෙත්සම්කාර පාර්ශ්වය සහ නීතිපතිවරයා වෙනුවෙන් ඉදිරිපත් කළ කරුණු සලකා බැලීමෙන් අනතුරුව, පෙත්සම විභාගයට ගැනීම සම්බන්ධයෙන් නියෝගය මෙම මස 23 වැනිදා ප්රකාශයට පත් කරන බව අභියාචනාධිකරණ විනිසුරු මඩුල්ල සඳහන් කළා.
