(අංජුල මහික වීරරත්න)
මත්තල ගුවන් තොටුපොලේ මේ වන විට දිනක පාඩුව රුපියල් ලක්ෂ 60-70 අතර අගයක් ගන්නා බව ජනාධිපති අනුර කුමාර දිසානායක මහතාගේ ප්රධානත්වයෙන් ජනාධිපති කාර්යාලයේ පැවති වරාය සහ සිවිල් ගුවන් සේවා අමාත්යාංශයේ අයවැය පූර්ව සාකච්ඡාවේදී අනාවරණය විය.
මත්තල ගුවන්තොටුපොලේ වසරක පාඩුව රුපියල් කෝටි 400 ක් බවද එහිදී සඳහන් කෙරිණි.
මත්තල ගුවන් තොටුපොළ සඳහා ආයෝජන යෝජනා මේවන විට කැඳවා ඇති අතර 2027 වන විට ඊට අදාළ කටයුතු අවසන් කළ හැකි බව මෙහිදී නිලධාරීහු පෙන්වා දුන්හ. වරාය සහ සිවිල් ගුවන් සේවා අමාත්යාංශයේ 2026 වසරේ ප්රගතිය සහ 2027 වසරේ අයවැය ප්රතිපාදන සම්බන්ධයෙන් මෙම සාකච්ඡාව පැවැත්විණි.
වරාය සහ සිවිල් ගුවන්සේවා අමාත්යාංශය සහ ඒ යටතේ ඇති ශ්රී ලංකා වරාය අධිකාරිය, ගුවන්තොටුපළ සහ ගුවන් සේවා පුද්ගලික සමාගම , සිලෝන් ෂිපිං කෝපරේෂන් , ශ්රී ලංකන් ගුවන් සමාගම , ශ්රී ලංකා කේටරින්, ශ්රී ලංකා සිවිල් ගුවන් සේවා අධිකාරිය, වෙළෙඳ නාවික ලේකම් කාර්යාලය, ශ්රී ලංකා වරාය කළමනාකරණ සහ උපදේශන සේවා පුද්ගලික සමාගම, ජයා කන්ටේනර් ටර්මිනල්ස් ලිමිටඩ් යන ආයතන වල ක්රියාකාරිත්වය, 2026 අයවැය ප්රතිපාදන මත ක්රියාත්මක කරන ලද ව්යාපෘතිවල ප්රගතිය සහ 2027 අයවැය යෝජනා පිළිබඳ මෙහිදී විමසා බලනු ලැබීය.
