(ශාන්ත ප්රදීප් කුමාර කුලරත්න සහ බුද්ධික කුමාරසිරි)
අතුරුගිරිය ගෝවින්න මාවත අසලදී ටිපර් රථයක් කාර්යාල කාර්ය මණ්ඩල ප්රවාහන බස් රථයක මුහුණට මුහුණ ගැටී බස් රථ රියදුරු ඇතුළු විසිදෙනකු ප්රතිකාර සඳහා ඔරුවල සහ හෝමාගම රෝහල්වලට අතුලත් කළ බව අතුරුගිරිය පොලිසිය පවසයි.
හෝමාගම මූලික රෝහලට ඇතුළත් කළ එක් පුද්ගලයකුගේ පාද දෙකම බිඳී බරපතල තුවාල ලබා තිබීම නිසා ඔහු වැඩිදුර ප්රතිකාර සඳහා කොළඹ ජාතික රෝහලට මාරු කර යැවූ බව පොලිසිය කියයි.
කොළඹ ප්රදේශයේ පෞද්ගලික ආයතනයකට කාර්ය මණ්ඩල ප්රවාහනය කරන බස් රථයක් අතුරුගිරිය දෙස සිට කොළඹ දෙසට ධාවනය කරද්දි එක් වරම මාර්ගයෙන් ඉවතට පැන බොරැල්ල දෙස සිට අතුරුගිරිය දෙසට ධාවනය වූ ටිපර රථයේ මුහුණට මුහුණ ගැටී අද (17) දා අලුයම 4.15 පමණ මෙම අනතුර සිදුව තිබූ අතර ඉන් පැය දෙකකට අධික කාලයක් ගොඩගම බොරැල්ල මාර්ගය දැඩි රථවාහන තදබදයක් දක්නට ලැබුණි.
(ඡායා බුද්ධික කුමාරසිරි)
