පසුගියදා මීගමුව බන්ධනාගාර සිදුවීම සුනාමි ව්යසනයට සමාන බවත්, එහිදී සිරකරුවන්ගේ ජීවිත ආරක්ෂා කිරීම වෙනුවෙන් මානුෂීය පියවරක් ගත යුතුව තිබූ බවත් හිටපු පාර්ලිමේන්තු මන්ත්රී වජිර අබේවර්ධන මහතා පවසනවා. යූටියුබ් නාලිකාවක පැවැති සාකච්ඡාවකට එක්වෙමින් ඔහු මේ බව සඳහන් කළා. 2004 සුනාමි ව්යසනය අවස්ථාවේදී මාතර බන්ධනාගාරයේ ගත් ක්රියාමාර්ගය ආදර්ශයට ගනිමින් ඔහු කියා සිටියේ, මීගමුව බන්ධනාගාරයේ දොරටු විවෘත කර රැඳෙවියන් පිටවීමට ඉඩ හැරිය යුතුව තිබූ බවයි. එවැනි දෙයක් සිදුකිරීමෙන් කිසිදු හානියක් සිදුනොවන බවත්, ඔවුන්ගේ ජාතික හැඳුනුම්පත් අංක මෙන්ම විදේශ ගමන් බලපත්ර අංක ද බලධාරීන් සතුව පවතින බවත් ඔහු පැවසුවා. එහිදී වැඩිදුරටත් අදහස් දක්වමින් ඔහු සඳහන් කළේ, “ඊයේ පෙරේදා මිගමුවේ සිද්ධිය බලන්නකො. සුනාමියක් වගේනේ ඒ සිදුවීම. සුනාමියේදී මොකක්ද කළේ? මොකක්ද සුනාමි ආපු වෙලාවේ මාතර සිරගෙදර කළේ? මාතර හිරගෙදර ඇරලා ඔක්කොටම ගෙදර යන්න කිව්වා.ඔනේ නම් ගණන් හදලා බලන්න. සේරම ගෙදර ගියා. මාස දෙකකට විතර පස්සේ කට්ටියට ආපහු වාර්තා කරන්න කිව්වා කිට්ටුම පොලිසියට ගිහිල්ලා රිපෝට් කරන්න කිව්වා.මට මතක විදිහට හිරකාරයෝ 5 දෙනෙක් වගේ තමයි මිසිං වුණේ. හිරකරුවන් මරණ එකද යුතුකම? ගේට්ටුව ඇරලා යන්න කිව්වා කියලා මොකක්ද වෙන්නේ. එයාලගේ ජාතික හැඳුනුම්පත් කාඩ් නොම්බර තියෙනවානේ.පාස්පෝර්ට් නොම්බර තියෙනවා.ගුවන්තොටුපොළට දෙන්න පුලුවන් යන්න බැරි වෙන්න. සතියක් දුන්නා නම් එක්කෙනෙක් මැරෙන්නේ නෑ.”
